ومَنَامي بيتقلق
وقلبي بيتحرق
ودماغي بتتفلق
م الفكر المحتار
والغضب الجبار
والندم اللي بينهش
في كياني المنهار
وضباب الجهل
بيعمي عيوني الحيرانة
وموج الخيانة
بيكسَّر مجاديف الأمانة
والورد الدبلان بيموت
والوقت بيفوت
والدنيا بتضلِّم
والقمر مكبوت...
باسمع صوت!
زي البرق بيشرق
جوَّة القلب... وينطق:
فُوق!
بُص لفوق!
سَلِّم أمرك للرب!
وكفاية تَوَكُّل عَ الخَلْق!
دا إلهك ليه كل السلطان
ع الأحداث...
ع الأزمان...
على أعداءك والشيطان
وبيقدر حتى يحوِّل
للخير شر الإنسان!
فبراير 2008
