ماشي وباعدِّي الجبال بكفاح
نسر وبارفع في العلالي الجناح
لكن في السكة باتعب وأخور
يا تَرَى دا فشل ولا طريق النجاح؟!
الفكر شارد وشايل بين الضلوع
فشل وإحباط والقلب موجوع
فجأة شَرَق النور وسط الظلام
وظهر أخيرًا طريق الرجوع!
قلبي خلاص عرف السلام
واتطهر كمان من كل الآثام
لأن الله في عدله وأمانته
بيغفر له الخطايا بالتمام
والصورة عمَّالة تِسوَدّ وتضلِّم
والشر بيزيد والبار بيتألِّم
في نص الليل يعلَى صراخ:
جاي العريس ووعده هايتمِّم!
أكتوبر 2007
