اللي ناصبه الشيطان...
اتعلِّم الطيران!
قدام كل هُوَّة
م اللي اتحفروا زمان...
اتعلِّم الطيران!
اهرب...
خلِّيك جريء!
اللي يهرب م الخطية مش جبان!
مهما تقاوم
مهما تصارع...
ها تلاقي نفسك
ع الأرض واقع
والجرح نازف
في كل مكان!
حارب وصارع
واثبت وقاوم
قدام جنود الشر
اللي ناصبين السهام!
ممنوع الارتباك!
ممنوع التراجع!
ممنوع الانهزام!
دي الحرب دايرة...
والجندي في قلب المعركة
بطل هُمام!
إنما معاها...
مع الخطية...
ما فيش كلام
ما فيش جدال!
قدام الخطية...
البطل يبقى صريع
ذليل بين الرجال!
والقوي يبقى جريح
طريح...
على الرمال!
خلِّيك حكيم
واتعلِّم الطيران!
دي الشبكة في عين اللي عنده جناح
مجرد خيوط وسط التراب!
والنسر مكانه
ف أعالي الجبال
أو فوق السحاب!
فاسمع...
اسمع كلام الكتاب!
واهرب من شهوات الشباب!
خلِّيك سهران!
وقدام الخطية...
أو الشهوة الردية
اتعلِّم الطيران!
فبراير 2007
فبراير 2007
ليست هناك تعليقات:
إرسال تعليق