رباعيات

(مزمور 23)

دا الرب راعيَّ ومش مخلِّيني

أبدًا أحتاج ودايمًا بيرويني

وإن يوم مِلت لطريق الضلال

بيرد نفسي ولبره يهديني

(مزمور 27)

الرب نوري وخلاصي والأمان

في الحرب قلبي مسنود بالإيمان

وفي يوم الشر مستور في حماه

باهتف وأغني والقلب فرحان

(مزمور 91)

مِطَّمِّن وساكن في ظل القدير

والرب ملجأي م الوبأ الخطير

دا جناحه حماية وحب ورعاية

حتى والسهام حواليَّ بتطير

(مزمور 121)

امشي بثقة وإن تعبت ما تقعشِ

دا الرب اللي حافظك وحاميك ما بينامشِ

وبظله حواليك في خروجك ودخولك

ها تعيش في أمان وم الشر ما تخافشِ